ინოვაციური ტექნოლოგიებით ცხოვრების ფასეულობის ამაღლება

მართვის ავტომატიზებული სისტემები – ACS

ნებისმიერი შენობისთვის, ადმინისტრაციული თუ კომერციული დაწესებულებისთვის, სასტუმროსთვის და ა.შ., რომელთა ფართობი 500 მ2-ს აღემატება, სასურველია ACS-ების გამოყენება. სისტემების ავტომატიზება ABCS-ის (შენობის მართვის ავტომატიზებული სისტემების) ან BMS (შენობის მართვის სისტემების) მეშვეობითაა შესაძლებელი.

მიუხედავად იმისა, რომ ეს მოვლენა ჩვენი ქვეყნისთვის შედარებით სიახლეს წარმოადგენს, შენობათა ავტომატიზების პროცესი ინერგება და ბევრ შენობასა თუ მსხვილ დაწესებულებაში (Baku Crystal Hall, ბაქოს ოლიმპიური სტადიონი, Aquatic Palace), მათ შორის ეროვნული მნიშვნელობის მქონეში (აზერბაიჯანის რესპუბლიკის ეკონომიკის სამინისტრო, ნავთობის ფონდი) წარმატებით ფუნქციონირებს.

ABCS-ების აუცილებლობა და საჭიროება იმითაა განპირობებული, რომ სულ უფრო მეტი მსხვილმასშტაბიანი სტრუქტურა დგება რესურსების რაც შეიძლება ეფექტიანად გამოყენების და საინჟინრო სისტემების კომპეტენტურად მართვის საჭიროების წინაშე. სენსორების ჩვენებების საფუძველზე ABCS ავტომატურად რეაგირებს გარემოს პარამეტრების ცვლილებაზე და, შესაბამისად, შერჩეული ინდიკატორების წინასწარ განსაზღვრულ მნიშვნელობებთან უწყვეტ შესაბამისობას უზრუნველყოფს.

ეფექტიანად გამოყენების გამო, ენერგორესურსებზე გაწეული ხარჯები მცირდება და, შედეგად, ABCS საკუთარ ღირებულებას სრულად ამართლებს. ABCS, საინჟინრო სისტემების მონიტორინგის და პროგრამირებადი სცენარების გამოყენებით, აგრეთვე საშუალებას გაძლევთ გაცილებით ეფექტურად აღმოაჩინოთ და აღმოფხვრათ პრობლემები. ის უფრო მაღალ უსაფრთხოებას უზრუნველყოფს, ტექნიკური გადაწყვეტილებების მიღებას ამარტივებს და დიდი რაოდენობის ტექნიკური პერსონალის დაქირავების აუცილებლობას თავიდან აგაცილებთ. ABCS-ის კიდევ ერთი, დამატებითი უპირატესობა იმაში მდგომარეობს, რომ იგი შენობაში ყოფნას გაცილებით მეტად კომფორტულს ხდის როგორც ტექნიკოსებისთვის ასევე მომხმარებლებისა და თანამშრომლებისთვის.

2010 წლიდან კომპანია Kibrit.Tech წარმატებულად უწევს ტექნიკურ მხარდაჭერას უკვე დამონტაჟებულ სისტემებს და, ამას გარდა, ახალ დაწესებულებებში ავტომატიზებული სისტემების ინტეგრატორის ფუნქციასაც ასრულებს. კლიენტების ჩამონათვალი მოიცავს: Baku Crystal Hall-ს, AzInTelecom-ს, ზღვისპირა ბულვარის ადმინისტრაციას, მიმოხილვის ბორბლის პროექტს, Bravo-ს მაღაზიების ქსელს, JW Marriott Absheron Baku-ს და ა.შ. ასეთ მსხვილ დაწესებულებებში სამუშაოების განხორციელება სათანადო კვალიფიკაციის გარეშე შეუძლებელი იქნებოდა. სწორედ ამიტომ, ABCS-ების განვითარების სფეროში ჩვენი კომპეტენციის ხაზგასმის მიზნით, აღსანიშნავია:

და რაც ყველაზე მთავარია, ჩვენ მუდმივად ვსწავლობთ და ფეხს ვუწყობთ სიახლეებს. პარტნიორის სტატუსის მიღება, შესაბამისი ცოდნის და კვალიფიკაციის ფლობის დამტკიცების მიზნით გამოცდების ჩაბარებას გულისხმობს. ჩვენმა თანამშრომლებმა ყველა აუცილებელი ეტაპი წარმატებით გაიარეს.

სისტემების გარდა, მათი გამოყენების გამარტივების მიზნით, ჩვენს მომხმარებლებს აგრეთვე სპეციალურად მათზე მორგებულ და მათთვის შემუშავებულ, საერთაშორისო სტანდარტების შესაბამის ინტერფეისს ვთავაზობთ, რომლის გამოყენებაც არა მხოლოდ კომპიუტერზე, არამედ მობილურ მოწყობილობებზეც არის შესაძლებელი.